Tədbiri giriş sözü ilə açan  İnstitutun Həmkarlar Təşkilatının sədri, professor Arif Əfəndi cari ilin aprel ayında AMEA-da Qadınlar Şurasının təsis edildiyini diqqətə çatdıraraq institutda da belə bir şuranın yaradılmasının zəruri olduğunu vurğulayıb. Professor elmi müəssisədə çalışan əməkdaşlar arasında qadınların sayca üstünlük təşkil etdiyini, onların müasir dövrün çağırışlarına cavab verən prioritet elmi istiqamətlərdə fəal tədqiqatlar apardıqlarını bildirib. Alim AMEA rəhbərliyinin Qadınlar Şurasının yaradılmasına xüsusi əhəmiyyət verdiyini vurğulayaraq  qadınları institutun qarşısında duran vəzifələrin həyata keçirilməsində fəal iştirak etməyə çağırıb.

Sonra AMEA Qadınlar Şurasının elmi katibi və koordinatoru f.ü.f.d. Samirə Kadiyeva qadınların vətəndaş cəmiyyəti quruculuğu və elmin inkişafında müstəsna xidmətləri olduğunu vurğulayıb. “Qadınların hüquqlarının qorunması və onların ölkənin ictimai-siyasi həyatında fəal iştirakı dövlət başçısının da daim diqqət mərkəzində saxladığı məsələlərdəndir”, – deyə bildirən natiq  ölkədə bu istiqamətdə görülən tədbirlərin gender problemlərinin həllinə böyük töhvə verdiyini qeyd edib.

İclasda institutun Elmi –informasiya və patent tədqiqatları şöbəsinin müdiri, kimya üzrə fəlsəfə doktoru  Esmira Qulu-zadə  institutun Qadınlar Şurasının sədrliyinə namizədliyi səsə qoyuldu və yekdilliklə qəbul olundu.

Daha sonra səsvermə yolu ilə şuranın üzvləri seçilib. 

AMEA akademik  M.Nağıyev adına  Kataliz və Qeyri-üzvi Kimya İnsitu­tu­nun Qadınlar Şurasının tərkibi