Tələbələr, “Əlvan metal tərkibli mineral xammalın emalı”  laboratoriyasının dosenti Aybəniz Quluyevanın alunit şlamının turşu ilə işləməklə komponentlərin məhlula çıxımına temperaturun təsiri və oksidləşmiş mis filizinin tərkibində olan bir sıra metalların  təyini prosesləri  haqqında  verdiyi məlumatla, “Nanokarbon katalizatorları iştirakında hidrogen peroksidlə oksidləşmə” laborato- riyasının aparıcı elmi işçisi Yaqub Nağıyevin tələbələrə müasir “Agilent  technologies 7890B” xromotoqraf aparatından istifadə qaydaları və maddələrin  analiz  proseslərinin  aparılması  haqqında verdiyi məlumatlarla, “Ekoloji kataliz” laboratoriyasının böyük elmi işçisi, k.ü.f.d., Bilqeyis İsmayılovanın praktikada istifadə olunan mövcud metal katalizator növlərinin strukturu, katalizatorlardan istifadə xüsusiyyətləri və ən son metodlar haqqında məlumatlarla tanış olmuşlar.

Sonra tələbələr “Monooksigenaz  reaksiyalarının  modelləşdirilməsi”  laboratoriyasında  katalitik oksidləşmə proseslərinin aparıldığı axınlı reaktora malik laboratoriya qurğusunun quraşdırılması ilə tanış olaraq,  qaz fazalı ilkin xammalın və maye halda H₂O₂ məhlulunun reaktora daxil edilməsi və onların sürətlərinin tənzimlənməsi prosesini  maraqla  izləmişlər.

Sonda “Nadir metalların kompleks birləşmələri” laboratoriyasında aparıcı elmi işçi, dosent Şahnaz Qəhrəmanova tərəfindən neytral mühitdə 2 valentli Mn kompleksinin alınma  prosesi  əyani olaraq tələbələrə göstərilmişdir.

Eyni zamanda tələbələr “Metal-üzvi birləşmələr əsasında nanokatalizatorlar” laboratoriyasında ərimə-qarışdırma üsulu ilə müxtəlif qatılıqlarda bentonit-polipropilen və bentonit-polietilen kompozit materiallarının  sintezi prosesində  iştirak  etmişlər.