REA –nın N.S. Kurnakov adına Ümumi və Qeyri-üzvi Kimya İnstitutunun , G.A. Razuvaev  adına Metal Üzvi Kimya İnstitutunun və N.İ. Vavilov  adına Ümumi Genetika İnstitutunun alimləri  tərəfindən vərəmin törədicisi modeli kimi - Kox çöpləri  Mycolicibacterium smegmatis-ə qarşı yüksək antimikobakterial aktivliyə malik heterometallik vismut-mis və lantan-mis birləşmələrinin sintezi üçün sadə bir mərhələli üsul işlənib hazırlanmışdır.

Alimlər alınmış vismut-mis və lantan-mis komplekslərininin strukturunu  müəyyən etmiş, onların kimyəvi dayanıqlılığını nümayiş etdirmiş, həmçinin vismut və lantan ionlarının təbiətinin komplekslərin antimikobakterial fəaliyyətinə təsirini müzakirə etmişlər.

Yeni komplekslər vərəmin müalicəsi üçün birinci sıra dərmanların - rifampisin və izoniazidlərin fəaliyyəti ilə müqayisə edilə bilən antimikobakterial aktivliyə malikdirlər. Araşdırmanın nəticələri “Inorganica Chimica Acta” jurnalında dərc olunub.

https://indicator.ru/chemistry-and-materials/sozdany-novye-geterometallicheskie-vismut-mednyi-i-lantan-mednyi-kompleksy-s-vysokoi-antimikobakterialnoi-aktivnostyu-11-04-2024.htm