Azərbaycan  Memarlıq və İnşaat  Universitetinin təşəbbüsü ilə həmin universitet və  akademik M.F.Nağıyev adına  Kataliz və Qeyri-üzvi Kimya İnstitutu arasında təhsil, elm, ixtisasartırma və məşğulluq sahəsində əməkdaşlığa dair memorandum imzalanmışdır.             

Qarşılıqlı əməkdaşlıq aşağıda qeyd edilən sahələri əhatə edir:

- kimya elminin qarşılıqlı maraq doğuran sahələrdə və innovasiya istiqamətlərində elmi-tədqiqat və kadr hazırlığı sahəsində birgə iştirak;   

- elmi-tədqiqat və kadr hazırlığı sahəsində Azərbaycan  Memarlıq və İnşaat  Universiteti və Azərbaycan Respublikasının Elm və Təhsil Nazirliyinin akademik M.F.Nağıyev adına  Kataliz və Qeyri-üzvi Kimya İnstitutumaddi-texniki bazasından və kadr potensialından birgə istifadə, elmi-periodik nəşrlərin mübadiləsi;

- professor-müəllim heyətinin, elmi işçilərin müvafiq şöbələrdə və elmi-tədqiqat laboratoriyalarında ixtisasartırma, elmi-tədqiqat təcrübələrinin keçirilməsinin təşkili;

- Azərbaycan Respublikasının Elm və Təhsil Nazirliyinin akademik M.F.Nağıyev adına Kataliz və Qeyri-üzvi Kimya İnstitutunda Azərbaycan Memarlıq və İnşaat  Universitetinin baza kafedralarının  və ya mövcud kafedraların filiallarının yaradılması;

- birgə elmi simpozium, seminar və konfransların təşkili;

- qarşılıqlı maraq doğuran beynəlxalq və yerli layihə və proqramlarda birgə iştirak;

- birgə elmi əsərlərin çap edilməsi, monoqrafiyaların, dərslik və dərs vəsaitlərin yazılması.