AR ETN akademik M.Nağıyev adına Kataliz və Qeyri-üzvi Kimya İnstitutunda elmi seminar keçirilmişdir. İclasda ADNSU-nun sabiq doktorantı Əliyev Fariz Ramiq oğlunun 2303.01–“Qeyri–üzvi kimya” ixtisasında kimya üzrə fəlsəfə doktoru elmi dərəcəsi almaq üçün təqdim etdiyi “Tetradimitəbənzər laylı quruluşlu təbii mineralların sintetik analoqları əsasında yeni topoloji izolyator materiallarının alınması və tədqiqi” mövzusunda dissertasiya işinin təqdimatı keçirilmişdir. İddiaçı dissertasiya işinin qısa məzmunu, onun aktuallığı, elmi yeniliyi, praktiki əhəmiyyəti haqqında məruzə ilə çıxış etdi. Dissertasiya işinin növbəti mərhələyə təqdim edilməsi qərara alınmışdır.