İnstitutumuzun alimlərinin xarici həmkarlarla birgə “ One - dimensional polymer of copper with salicylic acid and pyridine linkers: Synthesis, characterizations, solid state assembly investigation by hirshfeld surface analysis, and computational studies” adlı məqaləsi Q₂ kvartilli , İmpakt faktoru 7,1 olan Skopus bazasında  indeksləşən “Journal of Molecular Structure” –də çap olunmuşdur.

Məqalədə qeyd olunur ki, Misin salisil turşusu və piridin ilə birölçülü yeni polimer kompleksi [Cu(DNSA)py] sintez edilmiş və çox sayda metodik yollarla – FT-IR, UB-Görünən, elementar, TGA/DSK və monokristal XRD analizi ilə xarakterizə olunmuşdur. Kristal quruluşda iki 3,5-dinitrosalisil liqantı mis ionu ilə xelat kompleks əmələ gətirmişdir, burada liqantın biri karbonil qrupunun oksigen atomu və karboksil qrupunun oksigen atomlarından biri ilə, digər simmetrik yerləşmiş liqand isə karboksil qrupunun oksigen atomları ilə koordinatlaşaraq deformasiyaya uğramış (təhrif olunmuş) kvadrat piramida şəkilli qəfəs əmələ gətirmişdir. Beləliklə, burada b oxu boyunca uzanmiş birölçülü polimer əmələ gəlir. Hirshfeld səthi analizində olduğu kimi, maddənin bərk halının düzülüşü müxtəlif molekullararası qarşılıqlı təsirlərlə sabitləşir. Xarici təzyiq altında kristalın özünü necə aparmasını proqnozlaşdırmaq üçün boşluqların analizi həyata keçirilmişdir. [Cu(DNSA)py] monomerinin ən sabit quruluşu B3LYP/ def2-TZVPP istifadə etməklə sıxlıq funksional nəzəriyyəsindən (DFT) əldə edilmişdir. Nəzəriyyənin 6-311G(d,p) həddi mis atomunun deformasiyaya uğramış (təhrif olunmuş) kvadrat piramida şəkilli qəfəs formasında yerləşdiyini nümayiş etdirir. MER səthi və Mulliken yük paylanması elektrofil və nukleofil təsirlərə uyğun Cu monomer atomlarını müəyyən edir. [Cu(DNSA)py] monomerinin və onun liqandının (DNSA) davamlılığını və kimyəvi cəhətdən aktivliyini qiymətləndirmək üçün Sərhəd molekylyar orbital (FMO) analizləri aparılmış, sözü gedən birləşmənin kvant kimyəvi göstəriciləri EHOMO və ELUMO energy qiymətlərindən əldə edilmişdir.

Alieva Qudrat M, Muhammad Nawaz Tahir, Khurram  Shahzad  Munawar, Mehran Feizi-Dehnayebi, Muhammad Ashfaq, Hasanova Saadat S, Hasanova Ulviyya M, Kerimova Tahira Q, Iskenderova Simuzer A, Alieva Shebnem C, Movsumov Elman Muhammed

One-dimensional polymer of copper with salicylic acid and pyridine linkers: Synthesis, characterizations, solid state assembly investigation by hirshfeld surface analysis, and computational studies

Journal of Molecular Structure” Volume 1297, Part 2, 5 February 2024, 136956

https://doi.org/10.1016/j.molstruc.2023.136956