REA-nın N.S.Kurnakov adına Ümumi və Qeyri-üzvi Kimya İnstitutunun alimləri atmosfer təzyiqində qurutma yolu ilə səthi yüksək xüsusi cəkiyə malik  hidrofil və hidrofob germanium dioksid aerogellərinin sintezi üçün sadə və qənaətli bir yol  işləyib hazırlamışdırlar.

İlk aerogellər 1930-cu ildə silisium  oksiddən alınmışdır. Silisium  və  germanium kimyəvi elementlərin Dövri cədvəlində eyni qrupundadır və oxşar kimyəvi xassələrə malikdirlər, lakin germanium dioksid əsasında  olan aerogellərin istehsalı ilə bağlı çox az tədqiqat işləri aparılmışdır.

Bu qismən  ona görədir ki, aerogellərin  alınması prosesi  bahalı reaktivlərin və texnoloji cəhətdən mürəkkəb  ifratkritik qurutma prosesinin istifadəsini  xeyli çətinləşdirir.

REA alimləri ifratkritik  qurutma tələb etməyən germanium  dioksid əsasında olan gellərin sintezi üçün  iki sadə və iqtisadi çəhətdən sərfəli metod hazırladılar və atmosfer təziqində qurutma üçün dəyişdirici əlavələr seçdilər.

Bundan əlavə, aerogellərin alınma şərtlərindən asılı olaraq, həm hidrofob, həm də hidrofil germanium dioksid əsaslı aerogellər əldə edərək, materialların nəmliyini  tənzimləmək imkanını öyrəndilər. Bu da  öz növbəsində, dərmanların ünvanlı  çatdırılması üçün alınan aerogellərin tibbdə istifadəsi  imkanlarını daha da genişləndirir.

Gələcəkdə müəlliflər əldə edilmiş  aerogellər əsasında yüksək tutumlu litium-ion batareyaları üçün anodlar yaratmağı planlaşdırırlar.

Bu cür aerogellərin  istehsalı və xassələri əvvəllər ədəbiyyatda praktik olaraq verilmirdi. Elmi işin müəllifləri hesab edirlər ki, təklif etdikləri metodologiya  tibb və sənayedə istifadə üçün yeni yüksək texnoloji  materiallar yaradacaqdır.

İşin nəticələri  beynəlxalq Nanomaterials jurnalında dərc eilmişdir.

https://poisknews.ru/himiya/ustojchivye-k-vozdejstviyu-vody-prostoj-sposob-polucheniya-unikalnyh-aerogelej-razrabotali-uchenye-iz-ionh-ran/