AR ETN Kataliz və Qeyri-üzvi Kimya İnstitutunun əməkdaşlarının ( Gülü Abbasova, Əjdər Məcidov, Rayyət İsmayılov, Dilqəm Tağıyev, Pərizad Fətullayeva) “İki Şiff əsasının fotoorqanokatalitik sintezi, xarakterizə olunması, kristal quruluşu və onların xolinesteraza inhibitorları kimi In Vitro və In Silico qiymətləndirilməsi” (Photoorganocatalytic synthesis, characterization, crystal structure of two schiff bases  and  their In Vitro və In Silico evaluations as cholinesterase  inhibitors) adlı məqaləsi Scopus və Web of Science  bazasında indeksləşən “Journal of Molecular Structure“ 

da nəşr olunmuşdur.

Məqalədə göstərilir ki, fotoorganokatalitik üsulla sintez edilmiş iki Şiff əsası (L1 və L2) element analizi, UB-görünən və İQ spektroskopiya və Rentgen-quruluş analizi vasitəsilə tədqiq olunmuşdur. Birləşmələr 5-bromsalisil aldehidi, orto-vanillin və 2-amino-5-metilpiridindən aldol kondensləşməsi ilə 83 və 80% çıxımla alınmışdır.  L1 və L2 birləşmələri müvafiq olaraq 25,47 və 18,90 µM IC50 dəyərləri ilə AChE-yə qarşı ikili inhibitor effektivlik göstərmişdir. Digər tərəfdən, in vitro qiymətləndirməyə əsasən birləşmələr müvafiq olaraq 33,68 və 30,51 µM IC50 dəyərləri ilə BChE-yə qarşı ikili inhibitor effektivlik göstərmişdir. Bundan əlavə, hər iki kompleks üçün molekulyar doking və molekulyar dinamika öyrənilmişdir. AChE və BChE-ni hədəf alan birləşmələr neyrodegenerativ xəstəliklərin müalicəsində potensial faydalar təklif edə bilər. Xolinergik siqnala təsir edərək, bu birləşmələr simptomların idarə edilməsinə kömək edə bilər. AChE və BChE ilə həm L1, həm də L2 üçün 100 ns MD simulyasiyalarının hərtərəfli təhlili dərmanların inkişafında liqand-protein qarşılıqlı təsirinin kritik rolunu göstərir.

Gulu Abbasova^a*, Ajdar Medjidov^a, Rayyat Ismayilov^a, Dilgam Tagiyev^a, Mustafa Sertçelik^b, Tuncer Hökelek^c, Mansura Huseynova^d, Perizad Fatullaeva^a, Furkan Çakır^e,f , Halil Şenol^e, Nastaran Sadeghian^g, Aamer Saeed^h, Parham Taslimi^g*

Photoorganocatalytic synthesis, characterization, crystal structure of two schiff bases and their In Vitro and In Silico evaluations as cholinesterase inhibitors - ScienceDirect

Volume 1331, 10 January 2025, 141396

DOİ: https://doi.org/10.1016/j.molstruc.2025.141396

“Journal of Molecular Structure“ jurnalının  Scopus bazasında İF- 7,9 (Q2), Web  of Science bazasında İF -4