Dünya şöhrətli Lider Türk dünyasının ən güclü şəxsiyyətlərindən olan Ulu Öndər Heydər Əliyevin adı Azər­baycan dövlətçiliyi tarixinə qızıl hərflərlə həkk olunub. Aydın təfəkkürü, müdrikliyi, natiqlik məharəti, yüksək liderlik qabiliyyəti, siyasi idealogiyası ilə dövlətimiz və xalqımız üçün əvəzsiz xidmətlər göstərən Dahi şəxsiyyətin ölməz ideyaları bu gün də yaşayır və zaman- zaman öz bəhrəsini verir.

Dahi şəxsiyyət hər zaman xalqının və döv­lətinin gələcəyini, tərəqqisini düşünürdü. Onun nəzərdə tutduğu təxirəsalınmaz ən önəmli məsələlərdən biri isə elmin və təhsilin inkişafı idi. Azərbaycan sovetlər birliyinin tərkibində olduğu illərdə ölkə­mizə rəhbərlik edən Heydər Əliyevin gö­stərişi ilə hələ o zamanlar respublikanın ali və orta ixtisas təhsili şəbəkəsi xeyli genişləndirilmiş, SSRİ - nin 170 qabaqcıl ali məktəblərinə 3500 azərbaycanlı tələbə göndərilmişdi. Və bu proses mütəmadi olaraq davam etdirilirdi. Hər il Azər­baycandan kənara 800 tələbə yola salınır və həmin təhsilin inkişafına xüsusi diq­qət yetirilirdi. Respublikada inkişaf Hey­dər Əliyevin göstərişi və qərarları ilə əhatəli surətdə həyata keçirilirdi. Lakin, Ulu Öndərin doğma Azərbaycanımızı müstəqil, ən qabaqcıl ölkələr sırasında görmək istəyi daha böyük idi.

1980-ci illərin sonu keçmiş sosializm si­stemində yaşanan proseslər Azərbaycan xalqına müstəqil dövlətçilik ideyalarının reallığa çevrilməsi üçün şərait yaratdı. Ermənilərin Dağlıq Qarabağda ərazi iddi­aları və onların SSRİ rəhbərliyi tərəfin­dən dəstəklənməsi, o zamankı dövlətimizə başçılıq edən dövlət rəhbərinin ölkəni ida­rə etmək səriştəsizliyi, milli maraqlara zidd mövqeyi həmin dövrlər Azərbaycanı olduqca ağır problemrlərlə üz - üzə qoydu. Dərinləşməkdə olan ictimai - siyasi və iq­tisadi böhran, vətəndaş qarşıdurmasına gətirib çıxardı. Dağlıq Qarabağ münaqişə­sinin həllində ölkə rəhbərliyinin cəsarətsiz mövqeyi torpaqlarımızın işğalına şərait yaratdı. 1990-cı il 20 Yanvar faciəsi, ar­dınca 26 fevral 1992-ci ildə erməni silah­lı birləşmələri və MDB- nin 366-cı alayı tərəfindən Xocalı şəhərində mülki Azər­baycan əhalisinin kütləvi şəkildə qətlə ye­tirilməsi - Xocalı faciəsi yaşandı. Kənar xarici müdaxilələr ölkəni böyük təhlükə qarşısında qoydu. Xalq qurtuluş yolunu güvənib etibar etdiyi Heydər Əliyevin ha­kimiyyətə gəlişində gördü.

1993- cü ilin may-iyun aylarında xal­qın təkidi və dəvəti ilə Heydər Əliyevin Azərbaycan hakimiyyətinə gəlişi ilə ölkə­miz və dövlətçiliyimiz gözlənilən bir çox bəlalardan xilas oldu. Ölkədə siyasi sa­bitlik bərpa olundu. Ulu Öndərin göstəri­şi ilə xalqın və dövlətin mənafeyinə xid­mət edən bir çox mühüm islahatlar həyata keçirilməyə başladı. Eyni zamanda ölkənin müdafiə qüdrətinin gücləndiril­məsi işində mühüm addımlar atıldı.

Ulu Öndərin qarşıya qoyduğu ən vacib məsələlərdən biri də vahid komandanlığa əsaslanan ordunun yaranması idi. Hey­dər Əliyevin qərarı və böyük səyi ilə Azərbaycanda nizami ordu birləşmələri yaradıldı. Hərb sahəsində bir çox yenilik­lərə imza atıldı. Yüksək ixtisaslı, peşə­kar hərbi kadrların hazırlayan məktəblər açıldı.

Ulu Öndərin hakimiyyəti illərində təh­sil infrastrukturu tamamilə yeniləndi. ixtisaslı kadrlar hazırlayan ali və orta ixtisas məktəblər açıldı. Məhz Ulu Öndə­rin rəhbərliyi və səyi ilə iqtisadi prob­lemlərin həll edilməsi yolunda təxirəsa­lınmaz işlər həyata keçirildi. Xəzərdə Azərbaycana məxsus neft yataqlarının birgə işlənməsi ilə əlaqədar xarici neft şirkətləri ilə danışıqlar aparıldı. 1994-cü il sentyabr ayının 20-də Bakıda müxtəlif ölkələrin neft şirkətləri ilə im­zalanmış “Əsrin müqaviləsi” layihəsi ilə Azərbaycan neft strateğiyasının əsası qoyuldu. Azərbaycanın dünya miqyasın­da beynəlxalq nüfuzu artdı. Heydər Əliy­evin həyata keçirdiyi nəhəng geopolitik layihələr sırasında Bakı -Tibilisi-ceyhan nefti, Bakı -Tibilisi-Ərzurum qaz kəmər­ləri, Böyük İpək yolu və Bakı-Tibilisi - Qars dəmiryolu layihələri Azərbaycan və bütün region üçün hazırda da böyük və əhəmiyyətli rol oynayır.

Məhz Heydər Əliyevin parlaq zəkası sayəsində Azərbaycan müstəqilliyi tari­xində tərəqqi və inkişafa start verildi. Heydər Əliyevin diplomatiyası nəticəsin­də dünya dövlətlərinin və nüfuzlu bey­nəlxalq təşkilatların Ermənistan - Azər­baycan, Dağlıq Qarabağ münaqişəsinə münasibəti əsaslı surətdə dəyişdi.

Hüquqi dövlətdə, onun özünün də dediyi kimi “Xalq dövlət üçün yox, dövlət xalq üçün” prinsipi ilə hərəkət edən Heydər Əliyevin milli dövlətçilik strategiyası, onun layiqli davamçısı möhtərəm Preziden­timiz İlham Əliyev tərəfindən bu gün
uğurla həyata keçirilir. Müdrik dövlət baş­çımızın məqsədyönlü siyasəti nəticəsində Azərbaycan artıq inkişaf etmiş ölkələr sı­rasındadır. Ali Baş Komandanımızın rəh­bərliyi ilə 44 günlük Vətən Müharibəsində torpaqlarımız işğaldan azad edildi. Bu bə­şər tarixində görünməmiş qələbə idi.

Qarabağda, azad olunmuş bölgələri­mizdə artıq qürurla Azərbaycan bayrağı dalğalanır. Müstəqilliyinə qovuşmuş tor­paqlarımız yenidən dirçəlir. Yeni bina­lar, evlər inşa olunur. Soydaşlarımız öz doğma ata - baba yurdlarına geri qayıdır­lar. Bu böyük Zəfər - Ulu Öndərimiz Heydər Əliyev ideyalarının sadiq davam­çısı Ali Baş Komandanımız İlham Əliye­vin “Dəmir yumruğ”unun təntənəsi - Ən möhtəşəm qələbəmizdir.

Azərbaycan Prezidenti İlham Əliyevin həyata keçirdiyi islahatlar, məqsədyönlü xarici siyasəti sayəsində Azərbaycan Cə­nubi Qafqazda lider dövlətə çevrilib. Bu uzaqgörənliyin və nailiyyətlərin təməlin­də isə dünyaşöhrətli Lider Heydər Əliye­vin ölməz ideyaları dayanır.

May ayının 10-u Dahi Şəxsiyyət Hey­dər Əliyevin anadan olmasının il­dönümüdür. Azərbaycan xalqı daim qürur duyduğu Ümummilli Lider Heydər Əliyevi heç zaman unutmur, hörmət və ehtiramla yad edir. Ruhu şad olsun!

İxtiyar Bəxtiyarli  kimya elmləri doktoru, professor