01-04 sentyabr 2025-ci il tarixlərində 3 saylı “Nanoelektrokimya və elektrokataliz” laboratoriyasının əməkdaşları Sevinc Cavadova və Vüsalə Məcidzadə Türkiyənin İzmit şəhərində keçirilən “9^th International Symposium on Materials for Energy Storage and Conversion” beynəlxalq simpoziumunda (MESC- IS 2025) iştirak etmişlər.

Simpoziumda Hidrogen enerjisinin saxlanması və çevrilməsi üçün materiallar sahəsində Almaniya, İsveçrə, Meksika, Özbəkistan, Rumıniya, İran, Qazaxıstan və digər ölkələrdən olan  alim və mütəxəssislər iştirak etmişlər.

Xatırladaq ki, bu bu simpozium 2015-ci ildən keçirilməyə başlanmışdır. Simpozium hər il - tək illərdə Türkiyədə, cüt illərdə isə iştirakçı ölkələrdən birində keçirilir. İndiyə qədər Türkiyənin müxtəlif bölgələrindən başqa, simpozium Serbiya, Xorvatiya və Azərbaycanda keçirilmişdir.

Simpoziumda S. Cavadova və V. Məcidzadə “Obtaining Bi₂O₃ via electrochemical method for Solar to Hydrogen processes” adlı konfrans materialını təqdim etmişlər.