25 sentyabr tarixində Kataliz və Qeyri-üzvi Kimya İnstitutunun elmi katibi, k.e.d. Mina Munşiyeva və kitabxananın müdiri Təranə Bağırova “ ProQuest Central” akademik informasiya bazasının açılışı ilə əlaqədar tədbirdə iştirak ediblər

İclasda Elm və Ali Təhsil üzrə Dövlət Agentliyinin direktoru Ülkər Səttarova, Clarivate şirkətinin Satış seqmenti üzrə vitse-prezidenti Stephen Hawthorne ,  Müştəri müvəffəqiyyəti üzrə strateji məsləhətçisi Valentin Bogorov, Müştəri müvəffəqiyyəti üzrə  məsləhətçisi İltifat İbrahimov və digər institutların əməkdaşları iştirak etmişlər.

 İclasda vurğulandı ki, ProQuest platforması müasir tədqiqat təcrübəsi yaradır, istifadəçilərə müxtəlif məzmun mənbələrini tapmaqda, onlara çıxış əldə etməkdə və idarə etməkdə kömək edir. Bundan əlavə, ProQuest verilənlər bazalarından və Ebook Central abunəliklərindən (məsələn, Academic Complete və Academic Video Online) istifadə edən kitabxanaların tədqiqatçıları indi bu məzmunu ProQuest platformasında mətn və video materiallarını birləşdirən kompleks axtarış vasitəsilə tapa və istifadə edə biləcəklər.

Eyni zamanda qeyd edildi ki, süni intellektin imkanlarından məsuliyyətli və etibarlı şəkildə istifadə edilməsi  tələbələrə tədqiqat işlərində kömək edəcəkdir. Beləliklə güclü funksiyalar istifadəçilərə aşağıda qeyd olunanlara imkanlar verir:

- Daha səmərəli və hədəfə yönəlmiş axtarış sorğuları yarat
- Sənədləri daha effektiv nəzərdən keçir, təhlil et və öyrən
- Hər bir sənədin sizin tədqiqatınız üçün faydalılığını tez qiymətləndir
- Mövzu seçimi və əsas anlayışların başa düşülməsi daxil olmaqla, növbəti addımlar üzrə tövsiyələr al.