Yeni araşdırma göstərir ki, meşə yanğınları atmosferə 21% daha çox çirkləndirici maddə buraxır. Tüstü və karbon qazı ilə yanaşı, yanğınlar hava keyfiyyətini pisləşdirən üzvi kimyəvi birləşmələr də yayır.

Yanğın zamanı IVOC və SVOC maddələri atmosferdə incə toz hissəciklərinə (PM2.5) çevrilərək astma, ürək-damar və ağciyər xəstəlikləri riskini artırır.

1997–2023-cü illər ərzində meşə yanğınları hər il orta hesabla 143 milyon ton uçucu üzvi birləşmə atmosferə buraxıb. Xüsusilə Cənub-Şərqi Asiya, ekvatorial Asiya və Afrikanın bəzi hissələrində problem daha kəskindir.

Alimlər xəbərdarlıq edir: mövcud hava keyfiyyəti modelləri və ekoloji siyasətlər yenilənməlidir, çünki meşə yanğınlarının təsiri əvvəlkindən də ciddi ola bilər.

Azedu.az