Kimya İnstitutunun “Nanoelektrokimya və Hidrogen enerjisi” laboratoriyasının müdiri professor Akif Əliyevin xarici həmkarları ilə birlikdə “Web of Science” və “Scopus” beynəlxalq indeksləşmə bazalarına daxil olan (“Scopus” bazasında ilk onluqda yer alan) Q1 kateqoriyalı “Process Safety and Environmental Protection” jurnalında “Freeze-thaw integrity of modified Nafion membranes: Microstructure and MEA performance” adlı məqaləsi dərc olunub.

Donma-ərimə zamanı Nafion membranlarının bütövlüyü, geniş temperatur interavalında işləməsi üçün proton dəyişmə membran yanacaq elementləri (PEMFC) hazırlayarkən nəzərə alınmalı vacib amildir. Suda şişmiş Nafion membranının dondurulması membran səthindən sərbəst su/buzun desorbsiyasına səbəb olur ki, bu da katalitik təbəqənin delaminasiyasına və membran mikrostrukturunda dəyişikliklərə səbəb olur. Nafionun sabitliyini artırmaq üçün silisium nanohissəciklərindən istifadə edilərək sol-gel metodu ilə yerində modifikasiya aparılmışdır. Donma-ərimə zamanı orijinal və modifikasiya olunmuş membranlarda morfoloji dəyişikliklər kiçik bucaqlı rentgen səpilmədən (SAXS) istifadə edilərək öyrənilmiş, suyun udulması və proton keçiriciliyi də müəyyən edilmişdir. İon domen strukturunun sabitləşməsi silisium nanohissəciklərinin membrana daxil edilməsi ilə nümayiş etdirilmişdir. Müşahidə olunan dəyişikliklər suyun sorbsiya-desorbsiya proseslərinin intensivliyinin azalması və modifikasiyaedici nanohissəciklər tərəfindən ion domenlərinin sabitləşməsi ilə izah edilə bilər. Modifikasiya olunmuş membranlardan istifadə edərək istehsal olunan membran-elektrod birləşmələri (MEA) donma-ərimə dövrləri zamanı artan sabitlik nümayiş etdirmişdir. 

Mensharapov R.M., Ivanova N.A., Spasov D.D., Sinyakov M.V., Bakirov A.V., Aliyev A.Sh.,

Grigoriev S.A., Fateev V.N. Freeze-thaw integrity of modified Nafion membranes: Microstructure and MEA performance.

Process Safety and Environmental Protection, Volume 203, Part A, November 2025, 107915

Məqalə ilə bu linkə daxil olmaqla, tanış olmaq olar:

https://www.sciencedirect.com/science/article/pii/S0957582025011826