AR ETN Kimya İnstitutunun "Biomimetik katalizatorlar" laboratoriyasının əməkdaşlarının “Oxidation of a butane fraction with hydrogen peroxide to oxygenates over a TPhPFe(III)OH/Al₂O₃ bioimitator” (Butan fraksiyasının TPhPFe(III)Al₂O₃ bioimitatoru üzərində hidrogen-peroksidlə oksigenatlara oksidləşməsi) adlı məqaləsi “Web of science” və “Scopus” beynəlxalq indeksləşmə bazalarına daxil olan “Reaction Kinetics, Mechanisms and Catalysis (RKMC)” jurnalında dərc olunmuşdur.

Bu məqalədə ağır neft məhsullarının, o cümlədən qazoyl fraksiyasının krekinqindən alınan bərpa olunan xammal kimi C₁–C₄ karbohidrogen qaz qarışığının biomimetik katalizator iştirakında avtomobil yanacaqlarına əlavə edilə bilən oksigenata çevrilməsi prosesinin tədqiqi verilmişdir.

Qeyd edək ki, “Springer Nature” nəşriyyatına məxsus olan bu jurnal “Web of Science” (IF=1.7) və “Scopus” (IF=3.3) beynəlxalq elmi bazalarında indeksləşir və (Q3) kateqoriyalı jurnallar siyahısına daxildir.

B.E. Aghamaliyeva, L.M. Gasanova, T.A. Abbasli, T.M. Nagiev. Oxidation of a butane fraction with hydrogen peroxide to oxygenates over a TPhPFe(III)OH/Al₂O₃ bioimitator. Reac Kinet Mech Cat (2026). https://doi.org/10.1007/s11144-026-03123-y